Consiglio Regionale del Piemonte

Vai ai contenuti

A l’é la Ciambrea che franch a rapresenta ij sitadin dël Piemont. Elegiù dal pòpol, ël Consèj a l’ é l’òrgo che a dëscut, a fà e a apreuva le lege regionaj. A compon-o 'l Consèj piemontèis ël Pressident ëd la Gionta regional e 50 consijé , butà ansema an Grop consijar conforma le diferente sernie polìtiche.

A son d’òrgo përmanent dël Consèj regional ël Pressident, l’Ufissi 'd pressidensa, ij Grop consijar e le Comission përmanente.

Ël Pressident a rapresenta 'l Consèj regional, a lo cònvoca, a lo pressied, a në dirigg ij travaj.

L’Ufissi 'd pressidensa a l’é formà dal Pressident, da doi Vicepressident e da tre Consijé segretari, an manera da garantì la rapresentansa dle minoranse. L’Ufissi 'd Pressidensa a dura tranta mèis. Ij sò component, elegiù con scrutini segrét da la Ciambrea, a peulo torna esse elegiù.

Ij Grop consijar a son formà da 'd Consijé regionaj, a elegio ant sò creus un Pressident che a në dirigg ël travaj. Ël Consèj regional a garantis a minca 'n Grop struture, përsonal e arsorse, ataj për fé bin sò travaj.

Le Commission përmanente a son componùe an manera da specé la composission dij Grop consijar. An arferiment a soe materie 'd competensa, le Commission a esàmino an via preventiva ij progét ëd lege, a trato sò travaj për lòn ch’a-j rësguarda, redigenda ij test legislativ e an pì fasend d’arserche ‘d conossensa.